Atal honetan testu eredu desberdinak aztertu eta ulertuko ditugu; ondoren, geure testuak sortu ahal izateko.
Narrazio testua:
KOMIKIA
-
Komikiek istorio bat kontatzen dute, testuak eta irudiak uztartuz.
-
Irudiak kontuan hartuz komikia adierazpen artistikoa izan daiteke.
-
Komikiek zerbait kontatzen dutenez, hizkuntzaren baliabideak erabiltzen ditu. Genero narratiboko adierazpen bat gehiago dugu.
-
Dirudienez, komikiak antzinatik ezagutzen dira. Baina, lehen publikazioa 1883. urtekoa dugu. New York-eko egunkari batean agertu omen zen komiki hori eta Yellow Kid izeneko pertsonaia omen zen protagonista.
-
Atorra horia zeraman alproja bat zen Yellow Kid.
Komikiaren elementuak
-
Binetak: kontakizuneko gertaera antolatzeko erabiltzen diren koadro itxiak izaten dira.
-
Komikietako testuak: Egoeren azalpenak, pertsonaien arteko elkarrizketak eta haien pentsamenduak agertu ohi dira. Idatzi behar den testuaren arabera bi motatakoak dira testua idazteko tokia:
KARTUTXOA: Narratzailearen ahotsa adierazteko erabiltzen da.
BUNBUILOA: Pertsonaiek esaten dutena jasotzeko erabiltzen da.
-
Bunbuiloak desberdinak izango dira adierazi behar dutenaren arabera:
-
Komikiak baditu bere adierazpen-baliabide bereziak:
PLANOAK: marrazkiak plano mota
desberdinetan agertzen dira, plano
orokorretik xehetasun-planora.
LERRO ZINETIKOAK: mugimendu baten
ibilbidea erakusten dute; esate baterako,
haizearen mugimendua, abiadura,
erorketa...
LETREN TAMAINA: Horren arabera jakingo
dugu pertsonaia bat oihuka (letra
larria) ala ahapeka (letra xehea) ari den.
IKUSIZKO METAFORAK: Pertsonaien aldartea edo
egoera jakin batzuk adierazteko
erabiltzen diren marrazkitxoak dira.
ONOMATOPEIAK: soinuak edo hotsak
adierazteko, eta binetaren
adierazkortasuna areagotzeko jartzen
dira.
